A
música experimental de SIN RED achégase a BUEU O vindeiro mercores 29
de maio , teremos a oportunidade de gozar en Bueu dun concerto de
excepción. O cuarteto SIN RED ofrece no bar labranza en meiro un
espectáculo no que combinarán música, poesía e teatralidade e que de
certo non deixará indiferente a ninguén. SIN RED é a formación pioneira
na península ibérica no uso da improvisación libre, técnica musical que
traspasa as fronteiras do jazz para compoñer in situ, no transcurso do
propio concerto, melodías e efectos sonoros nos que abundan a
sensibilidade, a potencia expresiva e o humor cómplice. SIN RED está
composto por Chefa Alonso (saxo soprano, percusión), Cova Villegas
(voz), Ildefonso Rodríguez (saxos, clarinetes, frautas, xoguetes) e
Víctor M. Díez (poesía, obxectos). En 2006 obtivo o recoñecemento do
Instituto Cervantes como unha das propostas musicais máis talentosas e
innovadoras de España, grazas ao cal foron convidados a actuar en
diversas xiras por Europa e América. O seu arte sonoro de vangarda,
cociñado ante os ollos do público, é asiduo de festivais e centros de
arte contemporánea. En 2010 editaron o álbum “Aguacero”, como testemuña
da súa traxectoria internacional.
https://www.youtube.com/watch?feature=player_embedded&v=aemygDZR9A0&noredirect=1
https://www.youtube.com/watch?v=QdxDhSW2j84
https://www.youtube.com/watch?v=BbFgQIPo4mM
No hay comentarios:
Publicar un comentario